May bag-o nga ginbutang nga Officer in Charge sa Bacolod Traffic Authority Office ( BTAO ) humalin nakaligad nga Hulyo 29 , 2024 .
Sandig sa pahayag ni City Administrator Lucille Gelvolea ginbutang si City Legal Officer Atty Romeo Carlos Ting Jr. bilang temporaryo nga BTAO OIC kag maga manihar sang BTAO sa sulod sang duha ka semana .
Suno kay Gelvolea si BTAO head Patrick Lacson ang nag file sang ” vacation leave ” tubtob Agosto 15 bangud nagpadulong ini sa iban nga pungsod.
Dugang pa sang City Administrator ang ” vacation leave” ni Lacson ang may ara sang sweldo bangud nga may ara siya sang ” leave with pay “.
Pagklaro pa sini wala sang kaangtanan ang pag ilis temporaryo kay Lacson sa panawagan sang mga transport group nga ilisan ang BTAO Head apang sa masunod nga tuig sa pag implementar sang Bacolod Traffic and Transport Management Department ( BTTMD ) maga pangeta si Mayor Albee Benitez sang kwalipikado nga ibutang sa BTAO.
Si Patrick Lacson ang nagapangalagad bilang tagpamuno sang BTAO sa sulod pa lamang sang siyam ka bulan .
Facebook, Patrick Lacson
