Ginpatigayon sa ciudad sang Himamaylan ang ika-17 nga “Bilis Ipon: Digital Financial Inclusion Caravan” agod ma-indroduce ang mga financial services malapit sa publiko ilabi na sa mga mangunguma.
Ginpangunahan sang Presidente kag Chief Executive Officer sang Land Bank of the Philippines nga si Lynette Ortiz ang amo nga caravan, nga gin updan nanday Himamaylan City Mayor Raymund Tongson, 5th District Congressman Atty. Dino Yulo, Vice Mayor Justine Gatuslao, kag iban pa.
Nagpadulong ang 126 ka mga mangunguma kag nagbukas sang ila personal nga account sa Land Bank, pinaagi sa online platform. Luyag sang Landbank nga mapalab-ot sa ila mga kliyente kag partners sa Negros Occidental nga mas mapasanyog ang economic development kag financial empowerment sang mga Negrense.
Kabahin sa kampanya sang Landbank natuhoy sa pinansiyal, amo ang pagpaasakdag ang pagsupot ukon pagtipon sang kwarta sang mga Filipino sa bilog nga Pilipinas pinaagi sa digital banking.
Gindiskyunan man sang amo nga caravan ang LANDBANKasama, kun sa diin may 49 na ka mga partners ang amo nga bangko sa probinsya agod mapalab-ot ang banking services nga mangin convenient kag accessible sa mga indibidwal.
Luyag man ipalab-ot sang Land Bank ang ila nga lending program sa publiko agod malikawan ang pagpangutang sang yara sa idalom sang ahensiya sang agrikultura sa iban nga persona ukon komapaniya nga may mas mataas nga interest rate.
Suno sa pahayag ni Ortiz, ila ginapabalo ang publiko nga may yara sang online platform ukon online bank ang Land Bank agod mas mangin accessible sa mga kliyente ang ila tagsa ka mga transakyon, mangin convenient, kag mas mangin safety para sa publiko.
Kabahin sa nangin priority sang Lang Bank ang yara sa agrikultura agod ipahibalo nga ang amo nga bangko ang para sa tanan kag wala pinilian.
Kadungan sang amo nga aktibidad, nagpatigayon sang Inauguration Ceremony sa panigbag-o nga branch sang Land Bank of the Philippines kag pinakauna nga commercial banknsa ciudad sang Himamaylan.
