Gin-kompirmar sang mga nagbalik loob sa gobyerno nga anay kaupdanan nila sa hublag ang nagtaliwan nga lalaki sa nagluntad nga engkwentro, alas 11:42 sang aga sang Lunes, Hulyo 29 sa Purok 5, Barangay Basak, Cauayan.
Base sa pahayag ni Brigadier General Joey Escanillas, Commander sang 302nd Infantry Brigade, nakabaton sila sang report nagikan sa mga pumuluyo nga may mga armado sa lugar.
Gilayon man nga nagresponde ang mga katapo sang 15th Infantry Battalion nga nagpatigayon sang Communiy Immersion Program malapit sa lugar.
Samtang padulong ang mga militar sa lugar, ila na engkwentro ang kapin lima ka mga remnants sang Southwest Negros Front nga naglawig kapin lima tubtob napulo ka minuto ang “running gun battle.”
Sa inisyal nga impormasyon ni BGen. Escanillas, ginkilala nga si “Ka Art” ang ginapatihan NPA nga nagtaliwan, nga naga-edad kapin 60-anyos.
Nakuha sa encounter site ang isa ka shotgun kag duha ka hand grenade, subversive documents, kag cellphone.
