Isa ka babayi sa New Zealand ang ginpriso sa sulod sang duha ka bulan bangud sa sobra-sobra nga pagpakaon sini sa iya ido.
Halos indi na makalakat pa ang ido nga si Nuggi bangud sa katambukon sini amo kun ngaa gin-rescue ini siya halin sa iya amo.
Nagabug-at sang 53.7kg si Nuggi, ginahapo na kun maglakat bisan 10 metros lang ang kalayuon.
Sa pag-check sang doktor sa iya, natukiban nga madamo sang may natipon nga tambok sa idalom sang panit ni Nuggi nga daw halos nabudlayan man sila detect sang heartbeat sini.
Natukiban nga may Conjunctivitis kag mga pilas ini sa siko kag tiyan bangud sa masami paghigda sini.
Si Nuggi ang ginapakaon sang iya amo sang 8-10 ka manok kag doggy buscuits kada adlaw.
Pag-rescue sa ido, nabuhinan pa ini sang 8.9 kilos apang napatay man bangud sang hemorrhage mass sa iya atay.
Magluwas sang pagka-priso, gin ban pa gid ang nasiling nga pet owner sa pagsagod sang sapat sa sulod sang isa ka tuig.
