Nakilala kag ginpa-subpoena na sang National Bureau of Investigation (NBI) ang Chinese national kag upod sini nga nagpang-picture sang mga IDs sang traysikol drivers kag construction worker sa paradahan sa boundary sang Barangay Estefania kag Barangay Vista Alegre, Bacolod City.
Ang Chinese national ang ginkilala nga si Honey Solis Tan nga may yara sang home furnishing store sa isa ka mall sa Bacolod. Samtang ang upod sini ang ginkilala naman nga si Mark Perez nga residente sang Mandalagan, Bacolod City.
Suno kay Punong Barangay Jerry Tingson sang Brgy. Estefania, 11 ka mga traysikol drivers kag construction workers sa ila ang natumod nga ginkuhaan sang pictures ang ila mga IDs.
