Pilason kag wala na sang kabuhi sang nasapwan ang isa ka mangunguma sa Sitio Manlama, Brgy. Montilla, Moises Padilla, las-3:50 sang hapon, Agosto 2, 2024.
Ginkilala ang biktima nga si Ronilo Sambilad, 45 anyos kag residente sang nasambit nga lugar.
Suno sa asawa sang biktima, magapadulong kuntani ini sa ila himata nga napatay sa Sitio Balunggay sa nasambit nga barangay gab-I antes ini nasapwan.
Wala nakapauli ang biktima rason nga ini ang ginpangita sang iya pamilya pagkaaga. Ini ang nasapwan na lamang nga duguon na sa kampo sang tubo. Suno pa sa asawa, sang Disyembre nagligad nga tuig may nakaaway ang iya nga bana. Sa karon may yara na sang person of interest ang Moises Padilla Municipal Police Station sa kamatayon ni Sambilad.
