Sa sulod lang sang 46 segundo, nagpangindi na ang Italian boxer ngas si Angela Carini nga magbato kontra kay Algerian boxer Imane Khelif sa Paris Olympics women’s round of 16 welterweight.
Sa interview kay Carini ginpahayag sini nga wala niya nasarangan ang kasakit sang iya ilong nga nasumbagan. Aminado man ini nga indi niya masarangan ang pwersa sang iya kontra.
Pagkatapos sang match, diri nag gwa ang mga kontrobersiya sa kun ngaa gintugutan sang screening committee ang isa ka ginaalegar lalaki nga mag-intra sa women’s boxing.
Kalabanan sang mga sports enthusiast ang nagapati nga indi “equal” ang pagtugot kay Khelif mag intra sa women’s sports competition sa pagpati nga isa ini ka “Transgender” ukon indi Naturally born nga babayi.
Diri naggwa man ang pila ka mga articles nga nagasiling nga nakita sa DNA ni Khelif nga ginbata ini nga babayi nga may XY Chromosomes.
Ini bangud sa kondisyon ni Khelif nga ginatawag Differences of Sexual Development (DSD), isa ka rare nga kondisyon sa diin apektado ang genes, hormones kag reproductive organs sang isa ka tawo.
Pila ka mga tawo nga may kaangay nga kondisyon ang ginbun-ag nga babayi apang may XY nga sex chromosomes kag testosterones level nga kaangay sang isa ka lalaki.
Ini bangud ang isa ka babayi ang may XX combination nga chromosome.
Nahibaluan nga nag-compete sadto si Khelif sa Russia sang 2019 kag 2020 Tokyo Olympics sa diin napaslawan ini kontra sa pambato sang Ireland.
Sang 2023, na-disqualify ini sa Women’s World Boxing championships bangud sang gender eligibility issues.
Una naman ginpahayag sang International Olympic Committee (IOC) nga nag-comply sa competition eligibility rules ang tanan delegate sa women’s category.
“Female” man ang nakasaad sa mga passports sini amo kun ngaa nakasulod sila sa kompetisyon.
Panindugan sang IOC nga na-meet ni Khelif ang tanan nila nga mga requirements nga nagapamatuod nga isa ini ka babayi.
Balik kita sa match ni Khelif kag Carini nakaligad nga Agosto 1, una nagtawag sang time-out si Carini para sa iya nga mga coach agud kay-uhon ang iya head gear matapos ini nag-idog sa sumbag ni Khelif.
Sa ika-duha nga punch, nagpahayag na si Carini nga indi niya na masarangan padayunon ang match.
Pagkatapos sang announcement sang referee, wala na ginsapak pa ni Carini si Khelif kag naghilibion.
