PROVINCIAL CAPITOL – Nagpamalibad si Governor Eugenio Jose Lacson nga magkomento may angot sa pagkakas kay Francis Velez bilang iya Executive Assistant IV.
Sang ginpamangkot sang media sa iya reaksyon, malip-ot apang direkta ang sabat sang gobernador nga indi ini maghatag sang komento.
“I will not comment on the case of Mr. Velez”, pahayag ni Gov. Lacson.
Sa nahibaluan nga sadtong Hulyo 30, gin-relieve si Velez sa position bangud sang “loss of trust and confidence”.
Nag-ugat ang kontrobersiya sang ginmandu ni Velez ang pagpakay-o sang mga pulungkuan sa Office of the Governor sa NDE Upholstery sa balor nga P129,200 nga wala sang purchase request kag wala man sang pahanugot ni Governor Lacson lakip na sang Bids and Awards Committee (BAC).
Wala pa sang may gin-appoint ang gobernador nga magabulos kay Velez bilang Administrative Head sang Governor’s Office kag maga-uyat sang Barangay Affairs.
