ESCALANTE CITY- Naghatag sang impormasyon ang nag-surrender nga rebelde nga anay miyembro sang remnants sa na-dismantle nga grupo sang Northern Negros Front agod marekober ang mga armas nga ginpangtago matapos nga nagluntad ang engkwentro sa Barangay Pinapugasan ciudad sang Escalante, sadtong Pebrero 2024.
Base sa impormasyon nagikan 79th Infantry Battalion, narekober sa ginhatag nga lugar sang amo nga anay rebelde, ang isa ka Assault rifle 5.56mm (M653) nga may pito ka live ammunition, kaupod sang short magazine.
Naghatag sang impormasyon ang anay rebelde bangod nakita niya ang sinseridad sang militar kag gobyerno nga siya ang mabuligan agod magsugod sang panibag-o sa iya kabuhi kaupod ang pamilya.
Madumduman, narekober man ang duha ka M14 rifle, isa ka garand rifle, isa ka 12 gauge shot gun, kag mga bala sang amo nga mga armas sa nabukid nga bahin sang Don Salvador Benedicto, sadtong Hulyo 29, bangod man sa mga impormasyon nga ginhatag sang mga anay rebelde.
79th IB
