Magapatigayon sang nationally coordinated nga transport caravan ang modernized jeep operators sa Bacolod nga nagasuporta sang Public Utility Vehicle Modemization Program (PUVMP) sang Department of Transportation (DOTr).
Las-12 bwas sa udto, Agosto 5, 2024 maga-assemble ang Bacolod Modernized Jeepney Transport Association (BMJTA) sa Bacolod City Government Center. Ang transport caravan ang pagpalayag sang suporta sang BMJTA sa jeepney modernization program sang DOTr apisar sang panawagan sang 22 ka mga senador nga ini ang suspendiron. Ang BMJTA nagapanindugan sa slogan nga “SOLUSYON INDI SUSPENSYON”.
May apat ka delegasyon nga magapakigbahin sa transport caravan nga magagikan sa eastern, northern, southern kag central part sang Bacolod kag magatipon ang mga ini sa Bacolod Government Center sa diin magapatigayon sang programa tubtob las-3 sang hapon.
Ang BMJTA ang ginabug-usan sang 11 ka mga entities (corporations and cooperatives) nga naga-operate sang 597 modernized units sa 21 ka mga ruta sa ciudad. Kapin sa 1,500 ka mga participants, stakeholders kag employees ang ginalauman nga makigbahin sa caravan.
