Nagsugod na kahapon nga adlaw ang pagpanagtag sang libre nga mga school supplies para sa mga elementary school students sa ciudad sang Bacolod.
Ang ceremonial turnover ang ginpatigayon sa Rizal Elementary School kahapon nga gintambungan ni Mayor Albee Benitez, Committee on Education Chairman Al Victor Espino, Councilor Thaddy Sayson kag Councilor Jayson Villarosa.
Nakabaton man sang school supplies ang mga elementary schools sa Brgy. Mandalagann Bata, Villamonte, Banago, Granada, kag Alangangilan kahapon.
Samtang, subong nga adlaw ipanagtag naman ang school supplies sa Mansilingan, Felisa, Handumanan, Taculing, Sum-ag, Punta Taytay, Singcang kag Tangub.
Madumduman nga nag-alokar sang P30 million ang Local School Board para sa pagbakal sang school supplies, sa diin yara sa 66,198 nga mga beneficiaries ang sarang nga makabaton sang libre nga school supplies nga nagabalor sang P400.
