Nagtipon ang onse ka mga kooperatiba sa idalom sang Modernize Public Utility Jeepney transport group sa ciudad sang Bacolod agod magpatigayon sang transport caravan kag ipakita sa gobyerno ang dako nga problema sa transport system sa pungsod Pilipinas, ilabi na sa ciudad.
Base sa interview sang DYHB kay Atty. Romeo Justiniani, Presidente sang Bacolod Modernize Jeepney Transportation Association, nga sila ang nagapangabay sang solusyon kag indi suspensyon natuhoy sa modernization program, ilabi na dako na ang gasto sang gobyerno agod mahatag ang mga modern PUJ units.
Ang solusyon nga panawagan sang grupo ang indi lamang para sa ila, kundi para man sa mga traditional PUJ, bisan may lain-lain nga direksyon sa amo nga programa.
Bukas si Justiniani, nga samtang sila ang nagabiyahe sa ciudad, nagabiyahe man ang traditional apang may pila na ka mga rota sa ciudad nga tuman na ka gutok kag kompleto na ang mga units sang modernize PUJ. Sa karun may yara sang 597 ka modern jeep units sa ciudad nga nagabiyahe sa 22 ka mga rota.
