Amat-amat na nga ginahatagan sabat ni Richard Gutierrez kag Barbie Imperial ang publiko kon bala ano ang matuod-tuod nga estado sang relasyon nila sa diin–spotted ini sa nagkalain-lain nga mga special events.
Una na nga gin-deny sadto ni Richard nga third party kag si Barbie ang rason sang pagbulagay nila sang anay partner kag mommy sang mga anak niya nga si Sarah Lahbati.
Pero sining karon lamang, in celebration sang ika-26th birthday sang actress present si Gutierrez lakip na ang iloy sini nga si Annabelle Rama.
Antes ang kaadlawan ni Barbie, spotted man ini nga nag-kadto sa haya sang sister-in-law sang actor nga si Alexa Gutierrez kag kaupod pa sa mga picture taking.
Gani ang pamangkot sang kadam-an ilabi pa ang mga marites–ano gid bala ang matuod tuod nga estado sang relasyon nila? Mag on nagid man bala sila?
Wala paman sang personal nga pahayag ang duha Richard kag Barbie, pero pila naman ka mga netizens ang nagpalab-ot sang ila opinion kag commento nga kuno indi mientras san-o matago nila ang kamatuoran kag sa ulihi akuon man nga sila na, kag may relasyon sila nga duha.
