WORLD NEWS- Nagpadulong si Prime Minister Sheikh Hasina sang Bangladesh sa pungsod India matapos nga naghalin sa pwesto sa tunga sang pila na ka semana nga pagprotesta sang mga estudyante batok sa gobyerno nga nagresulta sang kinagamo kag kamatayon sang mga tawo.
Ang 76-anyos nga Prime Minister ang nagpadulong sa India, sadtong Lunes, Agosto 5, sakay sa helicopter bangod linibo ka mga manug-protesta ang nagpadulong sa iya nga balay nga nahamtang sa Dhaka.
Ang pagbiya ni Hasina sa pwesto ang isa ka ‘unexpected’ ukon wala ginapaabot sang publiko bangod sa malawig na nga serbisyo sumugod sadtong tuig 2009.
Ginsuguran sang PM ang iya nga karera sa politika bilang isa ka pro-democracy kun sa diin nakita sa South Asia nga ang pungsod ang nagaprogreso sa ekonomiya.
Apang sini nga mga tinuig, gin-akusahan si Hasina nga siya ang awtokratiko kag nagamugong sa bisan ano nga desisyon nga nagapamatok sa iya nga paggahom.
Ang mga pag-aresto, pagkadula, pagpatay sa guwa sang hukom kag iban pa nga mga pag-abuso nga may motibo sa politika, ini tanan ang nagtaas sa idalom sang iya pagpamuno.
