Ginapasangkad karon sang City Health Office (CHO) ang kampanya para sa food safety karon nga nagbukas na ang klase.
Suno kay CHO Cnvironment Sanitation Division head Dr. Grace Tan, ongoing ang inspection sang ciudad sa mga vendors nga dapat naga-comply sa local health regulations lakip na ang pagkuha sang business kag sanitary permits. Aminado si Tan nga ang food safety ang isa sa dako nga concern sa mga street vendors.
Suno kay Tan, dapat nga magkuha man sang papeles kag permits ang mga street vendors agod pahanugutan ang mga ini nga makabaligya.
Sa karon nagahulat ang CHO sa revision sang ordinansya para sa mas athag nga guidelines para sa ambulant vendors.
Tinutuyo sang tikang nga ma-mitigate ang health risk nga posible maangkon sang isa ka tawo halin sa indi husto nga food handling kag sanitation practices.
Padayon man nga ginaduso sang CHO sa publiko nga ipabilin ang good hygiene practices, food safety kag ang pag-inom sang tinlo nga tubig agud malikawan ang mga balati-an ukon ang mga gastrointestinal ailments.
