Naapektuhan ang 1.3 hectares sang Sagay Marine Reserve sa nagluntad nga molasses spill sa ciudad kahapon sang aga.
Sa karon, nagahulag na ang Sagay City government upod sa Philippine Coast Guard (PCG), Bureau of Fisheries and Aquatic Resources (BFAR), provincial kag city Environment and Natural Resources Offices, kag PNP Maritime Group para sa pag-monitor sa insidente.
May patigayunon nga water sampling sa lugar kag ginalauman maguwa ang resulta sa Agosto 16. Nagaguwa sa initial inspection sang PCG nga ang M/T Mary Queen of Charity, ang compliant sa safety regulations apang may mga indikasyon sang posible kapabayaan sang crew kadungan sang pag-load kag pag-transfer sang molasses. Ini ang karon ang padayon pa nga gina-imbestigaran.
Ang operator sang M/T Mary Queen ang posible mamultahan sang P200,000 tubtob P1 million sa paglapas sang Expanded National Integrated Protected Areas System (ENIPAS) Act of 2018. Ginapasiguro karon sang Sagay City government nga ila pasabton ang mga responsible insidente kag may mga tikang na nga ginahimo agod matapna ang mga kaangay nga insidente nga posible matabo sa masunod nga mga mga tinion.
