WORLD NEWS- Nagdeklarar sang State of Emergency ang Kursk Region da pungsod Russia matapos ang ginpatigayon nga ‘surprise attack’ sang Ukraine, sadtong Martes nga adlaw, Agosto 8.
Suno sa opisyal sang Russia, yara sa kapin 5 ka mga sibilyan ang patay, kag 31 ang pilason lakip na ang mga kabataan.
Gindeklarar ang state of emergency sa lugad bangod sa tumalagsahon nga cross-border attack nga nagpadayon sadtong Miyerkules.
Sa pahayag mi Acting Regional Governor Alexei Smirnov, nga ginpaidalom sa state of emergency ang rehiyon agud dulaon ang mga konsekwensya sang mga pwersa sang kaaway nga nagasulod sa rehiyon.
Sa tunga sang amo nga kinagamo, wala pa nakahatag sang komento ang Ukraine natuhoy sa pagpang-atake.
Sadtong Martes, yara sa kapin 1,000 nga Ukranian troops, 11 ka mga tangke, kag masobra 20 nga armoured combat vehicle, ang nagpadulong sa Russia.
Nagapanawagan ang lokal nga otoridad sa mga residente nga limitahan ang mga aktibidad sa lugar kag i-kanselar ang mga public events.
