Nagpa-in sang P72 million ang local school board sa ciudad sang Bacolod para sa renovation ukon pagpakay-o sang mga classrooms sa mga pampubliko nga buluthuan.
Suno kay Councilor Al Espino, chairman sang Committee on Education sang Sangguniang Panlungsod, magabaton sang tig-P1 million ang 72 ka mga elementary kag high schools sa ciudad.
Pahayag sang konsehal nga gintalakay na sa ila nga pulong-pulong ang compliances for evaluation kag ang program of works upod ang City Engineering Office.
Una na ginpahayag ni Mayor Alfredo Benitez nga base ila pagsapol sa local school board, priority sa karon ang pagpakay-o sang mga classrooms magluwas pa sa iban nga mga concerns sang mga eskwelahan.
