Madamo sa aton ang may ginasagod nga ido sila ang aton gid ginatrato nga abyan “Man’s bestfriend” siling nila.
Kag kun maayo nga pagsagod sa ido ang gina istoryahan, may iban nga fur parents ang maselan sa pagpili sang mga produkto nga gamiton sa ila alaga.
Ano ang habon nga usaron, ano nga pagkaon ang kaunon, kag ano nga vitamins ang maayo para sa mga ini.
Ang Italian fashion label Dolce & Gabbana ang naglunsar sang isa ka perfume nga para sa mga ido. Ini ang ila ginatawag Fefé, ginakabig nga “olfactory masterpiece” bangud sa scent sini nga tuman ka hamot kag siyempre, safe para sa mga ido.
Ang presyo? Siyempre nagalupok man. Yara sa $108 ukon kapin P6,200 ang kada 100 ml lang sang Fefé.
Isa sa mga ginapabugal nga feature sini amo ang red metal cap kag 24-carat gold-plated paw.”
Nahibaluan nga ang ini nga produkto ang inspired sa pag palangga sang mismo founder sang D&G sa iya ido nga si Fefé.
