Nanindugan ang Bacolod City Maritime Station Chief nga patas kag indi bias sa mga fisherfolks ang ila pagpangalagad sa ciudad matapos ang akusasyon nga iya gina priority ang mga pangayaw nga nagapanagat sa baybayon.
Base pahayag ni Police Captain Reynaldo Bauden, Station Chief sang BCMPS nga possible personal nga pagpang-atake ukon interest ang isa sa mga rason kun ngaa luyag sang pila ka miyembro sang Bacolod Fisherfolks Federation (BFF)nga siya ang mapahalin sa pwesto.
Ginklaro sang Station Chief nga wala niya ginaproteksiyonan ang mga dalagko nga mga sakayan pandagat kag ila ini ginapangdakop kun may violation kag amo man ang mga pangayaw nga manugpanagat sa ciudad. Ginpakigbahin ni Bauden, nga isa siya sa mga nagbulig sa BFF nga makakuha sang permit sa ciudad agod legal nga makapangisda.
Dugang pa sini nga kun may problema ukon reklamo ang mga katapo sang BFF batok sa iya, sarang sila nga magfile sang complaint agod mangin legal ang proseso ukon basehan nga siya ang pahalinon sa pwesto. Nanindugan si Bauden, nga indi ini mag halin sa pwesto samtang wala sang relieve order nagikan Philippine National Police.
