Posible nga mapirmahan na ang implementing rules and regulations (IRR) sang Republic Act No. 12000 ukon Negros Island Region Act. Ini suno kay 5th District Congressman Dino Yulo nga isa sa mga nagtambong sa pagsinapol sang technical working group (TWG) kaina.
Suno kay Cong. Yulo, gin-finalize na ang draft sang IRR kag posible pirmahan ini antes matapos ang bulan kag diri na magasunod ang transition plans para sa mga nagkalain-lain nga ahensiya sang gobyerno.
Bangud wala pa nadala sa 2025 General Appropriation Act (GAA) ang budget para sa NIR, magakuha anay sang pondo sa existing budget sang Negros Occidental nga halin sa Region 6 subong man ang sa Negros Oriental kag Siquijor nga halin naman sa Region 7.
Dugang pa ni Cong. Yulo, ila man gindiskusyunan kon paano makabutang sang special provisions sang 2025 GAA para sa iban pa nga kinahanglanon sang NIR.
