Ilisipon na lang karon ang mga tawo nga wala kaagi tilaw sang beer.
May yara sang gusto light lang ang alcohol may yara man sang nagaka-challenge magtilaw sang taas ang alcohol content.
Isa ka beer ang karon ginakabig “ world’s strongest beer,” kun imo matilawan, panigurado magapalaminhod gid ang imo nga dila sang kaisog sini.
Ang Beithir Fire, ang may dala na nga warning label sa diin ginapaandaman sini ang mga konsumidor nga likawan ang pag inom sobra sa 35ml sa isahay ka lag-ok bangud sang tuman ka taas nga alcohol sini.
Kapin 75% ang ABV (Alcohol By Volume) content sini bangud ini ang gin-brew sa sulod sang duha ka bulan antis ginpaidalum sa fermentation kag triple filtration.
Ang Beithir fire ang ginlunsar sadtong 2021 sang Scotland’s 88Brewery.
Magluwas nga ginakabig ini nga pinakaisog nga beer sa kalibutan, ini ang isa man sa pinakamahal bangud ang isa sini ka botelya ang nagabalor sang $58 ukon kapin P3,300.
Ma “drink moderately” ka pa bala kun amo sini kaisog ang beer nga imnon mo?
