WORLD NEWS- Gin-ako ni Ukrainian President Volodymyr Zelensky, sa nauna nga kahigayunan ang ginpatigayon nga opensiba sa sulod sang pungsod Russia sa bahin sang Western Kursk region.
Suno kay Zelensky, ang mga militar sang Ukraine ang nagaduso sang kinagamo sa teritoryo sang Russia.
Ginkompirmar sang presidente ang amo nga pagpang-atake matapos ang lima ka adlaw nga nagsugod ang operasyon, kun sa diin ginkakibot sang Russia ang amo nga pagpang-atake kag gilayon nga nagmando sang mass evacuation.
Base sa mga opisyal sang pungsod, ang Kyiv kag Sumy region ang gin-atake sang Russia, kaagahon sang Domingo, Agosto 11.
Nahibaluan, nagtaliwan sa Kyiv ang 35-anyos nga lalaki kag 4-anyos nga bata; pilason man ang tatlo ka iban pa lakip na ang 13-anyos.
Ginpahayag ni Vitali Klitschko, alkalde sang Kyiv nga ang air defense units ang naga-operate kag nag-abiso sa mga sibilyan nga magtinir sa mga shelter.
