Ginpatigayon ang launching kag ground-breaking sang Colegio de La Castellana kahapon, Agosto 12, 2024.
Ginpangunahan ni Mayor Alme Rhummyla Nicor G. Nicor Mangilimutan ang launching sang pinakauna nga kolehiyo sa banwa nga nahamtang sa Rizal Street. Brgy. Robles.
Ang Sangguniang Bayan ang nagpasar sang resolusyon agud mapatukod ang Colegio de La Castellana. Ini sa bulig sang mga katapo sang technical working group sa pagpamuno ni Sangguniang Bayan (SB) member Patricio Estoya Jr., chairperson sang Committee on Education; SB An̈ejo Nicor kag Vice Mayor Alberto “Bordig” Nicor Jr. Nagabalor sang P47 million ang proyekto kag posible maglawig sang anom ka bulan tubtob isa ka bulan ang konstruksyon.
Nangin dinapit naman nga bisita sa launching, ang alkalde sang Kapalong, Davao del Norte nga si Maria Theresa Timbol. Kaangay sang La Castellana, si Mayor Timbol ang nagpatindog man sang kolehiyo sa ila banwa nga nagsugod sa gamay kag karon may masobra pito ka libo na nga estudyante.
Samtang, nangin emosyunal naman si Mayor Rhummyla bangud nga natuman na ang handom sang iya amay nga karon amo man ang vice mayor, nga sa tagsa ka panimalay nagakadapat may isa ka professional kag ini ang mahapos na malab-ot bangud may kaugalingon nan ga kolehiyo ang ila banwa.
