BACOLOD CITY- Na-file na ang motion for reconsideration matapos nga gin-dismissed sang prosecutor’s office ang kaso nga murder batok sa lima ka mga suspetsado sa pagpangluthang-patay kay Nicus Balagosa sa Granada Heights Subdivision sa Barangay Granada ciudad sang Bacolod.
Base sa pahayag ni Police Captain Portia Nillosan, Station Commander sang Police Station 5, gin-dismissed ang gin-file nga kaso bangod indi ma-establisyar ang identity sang mga suspetsado bangod sila ang nagasul-ob sang facemask sang ginhimo ang krimen.
Dugang pa ni Portia, masakit para sa pamilya nga nangin desisyon sang korte para sa hustisya sa kamatayon ni Nicus.
Madumduman, sadtong Hunyo 2 sang gab-i, nagahampang sang billiards sa ila nga balay upod ang iya mga abyan si Balagosa, sang hinali ini ginpalapitan sang duha ka armado nga mga kalalakin-an. Nakadalagan ang biktima apang ginlagas ini kag ginluthang sa sulod mismo sang ila balay.
