WORLD NEWS- Ginkondenar ni United States Vice President Kamala Harris ang pagtaliwan sang mga sibilyan sa ginpatigayon nga air strike sang Israel sa isa ka buluthuan sa Gaza.
Nagdangat na sa kapin 93 ka mga Palestinians ang nagtaliwan kun sa diin sila ang temporaryo nga naga-tinir sa amo nga lugar kag kun sa diin sila ang nagapatigayon sang dawn prayer.
Dugang pa ni Harris, tuman na kadamo nga mga sibilyan ang apektado sa amo nga kinagamo, amo nga iya liwat ginapanawagan ang hostage deal kag ceasefire.
Suno naman sa Israeli military spokesman, ang Al-Taba’een school ang ginserbe nga military facility sang mga aktibo nga miyembro sang Hamas kag Islamic Jihad, apang ini ang ginapangin wala sang Hamas.
Nahibaluan nga ang amo nga pagpang-atake ang may pinakadamo nga nagtaliwan bangod sa ginapatigayon nga airstrike sa sulod sang napulo ka bulan na nga giyera sa tunga sang Israel kag Palestinian militants.
