WORLD NEWS- Na rekord nga may isa ka persona ang napatay bangud sa paglapta sang mabaskog nga wildfire sa suburbs sang Athens sa Greece, sumugod sadtong Lunes, Agosto 12.
Ginapatihan, nga isa ka babaye ang amo nga bangkay nga nakita sa sulod sang isa balaligyaan sa Vrilissia sakop sang Northern Athens.
Pila ka mga linibo nga mga persona ang ginpang-evacuate matapos nga gin-abisuhan sang mga bombero ang mga tag-balay, negosyo, kag buluthuan nga yara sa idalom sang katalagman.
Suno kay Fire Service Spokesman Col Vassilios Vathrakogiannis, samtang wala na sang aktibo nga pagluntad sang sunog sa North-Eastern Attica region, nga sakop sa gihapon sang Athens, may pag-eksperinsiya sa gihapon sang “active localised blazes” ilabi na sa bahin sang Marathon kag Penteli.
Dugang pa sang tagpamaba, ang posible nga pagluntad sang panibag-o nga sunog ang nagapabilin nga ginakahangawaan indi lamang sa sini nga semana, kundi sa masunod pa.
Masobra 700 ka mga bombero, 199 ka mga fire engines, kag 35 ka mga water bombing aircraft, ang gingamit agod mapalong ang amo nnga sunog.
