Maayo lang wala nagduha-duha magdayon sa ila nga kasal ang sadto 29-anyos nga Japanese nga si Yoshitaka matapos sini mahibaluan nga 25 anyos ang agwat sang edad sang iya palangasaw-on sang sa iya.
Natalana na kaslon si Yoshitaka kag si Aki, pagka bwas nga adlaw apang napinsaran ni Aki nga dapat masugid niya ang kamatuoran kay Yoshitaka antis paman ini mangin mag-asawahay.
Diri gin ako ni Aki nga 54 anyos na siya kag siyempre, wala nakabalo si Yoshitaka kun ano ang mangin reaksyon sini sa nangin rebelasyon ni Aki.
Istorya ni Yoshitaka nga nakilala niya si Aki sa isa ka bar sa diin nag inum kag nag istoryahanay ang mga ini, diri ila na-reyalisar nga madamo sila sang pareho nga nakahiligan. Pareho ang mga ini naghalin sa failed marriages kag nagabuhi sang ila tagsa ka mga anak bilang single parents.
Suno kay Yoshitaka, sadto pa lang nga mga tinion iya na nabatyagan nga mas may edad si Aki sang sa iya, nakibot lang ini nga 25 years gali ang ka magulangan sini.
Sang ginsugid na ni Aki ang iya matuod nga edad, nalipay man ini sang ginsabat siya ni Yoshitaka nga wala siya labot kun pila ang edad ni Aki, ang importante palangga niya ini.
Sa isa ka Japanese newspaper, diri ginpaathag ni Aki nga isa sa mga rason kun ngaa gintago niya ang iya edad ky Yoshitaka amo bangud sang prejudice sang Japanese society sa mga babayi nga may mga edad na apang may karelasyon pa nga mga hubin nga lalaki.
Karon, malipayon na nga naga travel ang mag-asawa samtang gina atender ang ila negosyo.
