Narekord kahapon nga adlaw ang pinakamataas nga sulfur dioxide gas emission sa summit cter sang Bulkan Kanlaon subong nga adlaw, Agosto 13, 2024. Santo sa 6:30 PM advisory sang DOST-PHIVOLCS, narekord ang 7,307 tonnes/day nga sulfur dioxide emission sa bulkan subong nga adlaw.
Ini na ang pinakamataas nga gas emission humalin sang nagsugod ang instrumental gas monitoring sa bulkan.
Sini nga tuig, yara sa average rate nga 1.273 tonnes/day ang ginabuga nga aso sang bulkan antes ang paglupok sini sang Hunyo 3, 2024. Sugod sang Hunyo 3, nag-average na sa 3.102 tonnes/day ang gas emission sa bulkan samtang nagadangat naman sa 9 events/day ang volcanic earthquake activity.
Santo man sa monitoring sang DOST-PHIVOLCS, may yara man sang swelling ukon paghabok sa palibot sang bulkan. May yara man sang shallow magmatic process sa idalom sang bulkan nga amo rason sang aktibidad sang bulkan kaangay sang pagtaas sang volcanic gas emission, paghabok sang palibot sini kag earthquake activity.
Nagabilin sa Alert Level 2 (increasing unrest) ang Bulkan Kanlaon kag ginapahanumdom ang publiko nga ginadumili ang pagsulod sa (4) kilometer-radius Permanent Danger Zone (PDZ).
