Iron clad ang relasyon ni Bacolod City Mayor Albee Benitez kag Congressman Greg Gasataya. Ini ang pasalig ni Atty. Ceasar Distrito, spokesperson ni Mayor Benitez. Ini ang pahayag ni Atty. Distrito sa tunga sang mga nagaguluwa nga istorya nga posible mag-engkwentruhanay sa 2025 election ang duha ka opisyal. Dugang pa ni Distrito, indi man madala sa intriga ang relasyon ni Benitez kag Gasataya kag indi matabo nga sila ang magakontrahanay sa eleksyon.
Nahibaluan nga manugtapos pa lamang sang first term si Benitez bilang alkalde sang Bacolod samtang si Gasataya naman ang manugtapos na sang iya ika-tatlo nga termino bilang kongresista. Si Gasataya ang may mga opsyon man nga padalaganan sa ciudad. Suno naman kay Atty. Distrito, si Mayor Albee ang may lima man ka opsyon nga ginalakipan sang liwat pagpili alkalde, maga-switch sila ni Gasataya, mapadalagan senador, magbaton sang cabinet posisyon ukon magpahuway.
Suno kay Distrito, ang indi lamang applicable nga opsyon sa karon sa alkalde amo ang magpahuway, kag kon ano man ang iya desisyon sa nabilin nga apat, siya sini ang maga-anunsyo sa husto nga tinion. Ini ang dapat hulaton kag respetuhon suno kay Distrito.
