WORLD NEWS- Nagdangat na sa kapin 23 ka mga persona ang nagtaliwan matapos nga natiphag ang bahin sang 14 ka ektarya sang Kiteezei landfill bangod sa wala untat nga pag-ulan.
Suno sa mga opsiyal sang pungsod naglab-ot na sa 23 ang death toll sa amo nga insidente bangod natabunan ang ila mga panimalay sang basura.
Magluwas sa mga pumuluyo nga natampukan sang basura, may pila man ka mga kasapatan ang nagkalamatay.
Suno kay spokesman sang Kamala City nga si Daniel Nuweabine, padayon ang search and rescue sa posible nga mga survivors sa amo nga insidente.
Nagpatawag naman sang imbestigasyon si Ugandan President Yoweri Museveni, bangod luyag niya maklaruhan kun ngaa ginpahanugutan ang mga residente nga mag-istar sa lugar kun sa diin ginakabig ini nga delikado.
