Nagapanawagan si Jennifer Galve, iloy ni Pearl Joy Galve, sang hustisya para sa subang nga bata matapos nga ini ang nasapwan nga wala na sang kabuhi sa kampo sang Hacienda San Roque, Barangay Cubay sa ciudad sang La Carlota, kapin alas-6 sang aga, adlaw sang Miyerkules, Agosto 14.
Ginkompirmar ni Jennifer nga si Pearl Joy ang nasapwan nga bangkay bangod sa suksok sini nga checkered nga short nga iya ini ginhatag.
Ginlaragway sang iloy nga masekreto si Pearl sa iya, kag wala ini nagapakigbahin sang iya personal nga problema, apang bilang isa ka iloy nabatyagan niya nga may problema si Pearl nga gina-atubang apang wala na ini niya gin pilit nga ipakigbahin sa iya.
Wala man naka lisensya si Pearl sadtong Hulyo 29, kun sa diin siya magapadulong apang iya nahibaluan nga may gintabo si Pearl antes ini madula.
Wala man sang ideya si Jennifer kun may nobyo ang biktima. Sa karun nagalaom ang iloy ni Pearl, nga matumod ang may kahimuan sa kamatayon sang iya nga bata ukon sa amo nga krimen.
