Gin-ako sang Philippine Statistics Authority (PSA) nga ang threshold nga gin-set para sa isa ka indibidwal para indi makabig “food poor” ang indi bastante para maangkon ang nutritional ukon dietary requirements para sa isa ka adlaw.
Suno sa PSA, ang methodology para sa food poverty ceiling ang gina-review na sa karon.
Nahibaluan nga nangin kontrobersyal ang pahayag sang National Economic and Development Authority (NEDA) sa Senate hearing nga ang food threshold as of 2023 para sa isa ka pamilya nga may lima ka miembro ang yara sa P9,581 ukon P64 per person a day.
Kag suno pa kay NEDA Secretary Arsenio Balisacan, ang P64 per person para sa tatlo ka kaon sa isa ka adlaw, ang indi na makabig nga “food poor” nga gintaasan naman kilay sang kadam-an.
