Matapos ang Paris Olympics, madamo sa mga Pinoy ang nagalahog nga nanugunan ang mga ini nga wala man lang sila nag train sa gymnastics, dako pa tani ang ila mabaton nga!
Lahog sang iban, kun ginpadayon lang tani nila ang pagtumbling kada mag chinese-garter basi subong, olympic gold medalist na sila.
Nakatipon sang kapin P72 million nga cash reward si two- time olympic gold medalist, Carlos Edriel Yulo halin sa National Government kg pila ka mga pribado nga kumpanya.
Magluwas sa ini nga kantidad, wala na-specify diri ang incentives nga ginhatag ni Filipino boxer champ, Manny Pacquiao.
Wala labot sa kwarta, yari ang pila sa iban pa nga nabaton ni Yulo:
P32 million nga balor sang condo unit
House and lot sa Nasugbu kag Tagaytay halin sa Century Properties Group kag Philippine Sports Commission, 150,000 mabuhay miles per year halin sa Philippine airline, 28 free domestic and international flights this year halin sa Cebu Pacific.
P1M products from SM, P1M business package halin sa beauty product company.
Wala dira natapos ang mga kaayuhan nga nabaton ni Yulo, yari naman ang lifetime rewards sini:
Life time free pizza hut, Lifetime free ice cream, Lifetime free buffet, Lifetime access from vivamax, Lifetime ambulance transport, Lifetime PM2 sa Mang Inasal, Lifetime Pares from Diwata Pares kag Lifetime unlimited free visa.
Kung magdisider naman si Yulo nga magpakasal, may free wedding performance ini nga mabaton halin sa Moonstar88.
Madumduman nga nakakuha sang Gold medals sa Men’s Floor exercise kag Men’s Vault sa 2024 Paris Olympics.
