Gina-alegar nga nagsugid si Pearl Joy Galve sa iya pila ka mga abyan nga siya ang gin molestiyahan sang iya nga step father sadtong grade 8 pa lamang ini.
Suno sa exclusive interview sang DYHB kay alyas Che-che, nga childhood friend sang biktima, ginsugid ni Galve sa iya, nga samtang ini ang nagakatulog hinali lang nga may nagahurikap sang iya pribado nga parte sang lawas, kag may nagakuha sang strap sang iya nga bra.
Apang bisan isa sa mga abyan ni Galve ang wala nanugid sa amo nga eksperensiya sang biktima bangod sa kakulba nga sila ang pagaakigan ukon indi pagpatihan sang iloy ni Galve.
Ginapatihan nga ang step father ni Galve nga si Rene John Nacis, ang may kahimuan sa amo nga pagpangmolestiya bangod naga-isahanon lamang nga lalaki ang step father sa ila nga balay magluwas sa manghud sang biktima.
Sumugod sadtong nahibaluan nga si Galve ang gina-molestiya, nakita sang pila niya ka mga abyan nga may laslas ini sa iya mga kamot nga ginapatihan may plano ini nga pag-utas sa iya nga kaugalingon.
Nakita pa si Galve sang iya mga classmates nga siya ang nagpadulong sa buluthuan sang pagbukas sang klase sadtong Hulyo 29 kun sa diin amo nga adlaw narekord nga siya ang waay na nakapauli sa balay kag nasapwan na lamang sang Agosto 14 nga wala na sang kabuhi sa La Carlota City.
