WORLD NEWS- Napilian bilang bag-o nga Prime Minister sang pungsod Thailand si Paetongtarn Shinawatra, ang bata nga babaye sang billionaire tycoon kag anay leader nga si Thaksin.
Si Shinawatra, ang 37-anyos, kag ginkabig nga pinakabata nga nangin PM sa pungsod kag ikaduha nga babaye sa amo nga pwesto.
Natigayon nga mapilian si Shinawatra matapos nga ginpahalin ang PM nga si Srettha Thavisin pinaagi sa constitutional court.
Magapangatubang si Shinawatra sang kabudlayan nga ma-revive ang ekonomiya sang pungsod, kag paglikaw sang military coups kag court intervention.
Nagapati ang PM nga makabukas sang panibag-o nga oportunidad kag mapaayo ang kalidad sang kinabuhi kag ma-empower ang mga pumuluyo sa lugar.
