Nagpabilin sa tupad ni Jennifer Galve, iloy ni Pearl Joy Galve, ang live-in partner nga si Rene John Nacis sang nadula kag pagpangita sa iya nga bata sumugod sadtong Hulyo 29.
Suno sa pahayag ni Jennifer, naga-upuday sila sang iya nga live-in partner samtang nagapataya sang STL antes madula kag sang wala na makapauli sa ila balay ang biktima.
Apang indi na madumduman sang iloy ni Pearl Joy, kun Agosto 6 ukon sadtong Agosto 9 na sang wala na nakapauli sa balay ang live-in partner.
Bukas si Jennifer, nga mabatian ang rason ni Rene kun ngaa wala na ini nagpakita sa ila, ilabi na sang antes kag matapos nga masapwan nga wala na sang kabuhi ang biktima sa kampo sa ciudad sang La Carlota, kag amo man sa alegasyon nga pagpangmolestiya kay Pearl. Samtang baliskad sa una sini nga ginpahayag nga secretive ang iya anak, gin-ako ni Jennifer nga sang Grade 9 pa lamang si Pearl Joy nagsugid ini nga siya ang gin-molestyahan sang iya nga stepfather nga si Nacis.
