Arestado ang duha ka mga suspek matapos nakuhaan masobra P370,000 nga balor sang suspected shabu sa buy bust operation sa Purok Nami-Nami, Brgy. Sum-ag, Bacolod City, la-1:40 sang kaagahon, Agosto 18, 2024.
Ginkilala ang mga suspek nga sanday Harold Garcia, 41, residente sang Barangay Sampinit, ciudad sang Bago kag Nellyn Irish Cabrales, 33, pumuluyo naman sang ciudad sang La Carlota.
Nakuha sa mga suspek ang 55 grams sang suspected shabu nga nagabalor sang P374,000. Magluwas sa suspected shabu, nakuha pa sa mga suspek ang isa ka improvised shotgun kag tatlo ka bala sang shotgun.
Magapangatubang ang mga suspek sang mga kaso nga paglapas sa RA 9165 ukon Comprehensive Dangerous Drugs Act of 2002 kag RA 10591, ukon Comprehensive Firearms and Ammunition Regulation Act.
