Natalana nga igalubong, subong nga adlaw, Agosto 19, si Pearl Joy Galve sa Sum-ag Public Cemetery, matapos nga ini ang nasapwan nga wala na sang kabuhi kag yara na sa advance state of decomposition sa Hacienda San Roque Barangay Cubay sa ciudad sang La Carlota sadtong Agosto 14.
Base sa pahayag sang pila ka mga himata ni Galve, nga sila ang ginpahanugutan nga ihaya ang biktima sa kapin duha lamang ka adlaw, apang ginpasiraduhan lamang ang lungon sini.
Nagapanawagan ang pamilya sang hustisya para sa biktima, kag kun matumod na ang suspetsado sa amo nga krimen, pursigido sila nga magpasaka sang kaso.
Samtang padayon ang imbestigasyon sang mga kapulisan sang La Carlota City Police Station kaupod ang Bacolod City Police Station 9.
