Isa ka 45 anyos nga amay sa Russia ang nagalalain matapos sini matukiban nga liwat nga nagbusong ang iya asawa apisar nagpa vasectomy na ini.
Antis paman ginpaidalom sa nasiling nga procedure ang lalaki, may apat na ini ka mga kabataan. Kag bangud naga edad na ini luyag sini nga indi na magdugang pa sang salaguron.
Diri iya ginbisita ang isa ka local medical clinic para magpa-vasectomy sa diin nagbayad man ini sang $330 ukon kapin P19,000 para sa nasiling nga operasyon.
Ang vasectomy ang isa ka male birth control sa diin gina utod ang vas deference sang lalaki bangud ini ang naga-produser sang sperm nga sarang makapabusong sa babayi.
Nangin madinalag-on man gani ang surgery kag na-discharge pa ini pagkatapos sang pila ka oras.
Okay na tani ang tanan, galing kay makaligad ang pila ka bulan, ginhambalan siya sang iya nga asawa nga liwat ini nga nagabusong sang ila ika-lima nga bata.
Apang pamatyagan sang lalaki gin-into lang siya sang clinic amo kun ngaa gin-contact niya ini para mangayo sang explanation.
Ginsabat man siya sang clinic nga magpaidalum ini sa paternity test kag spermomagram agud ikumpirma kun makapabusong pa gid man ini.
Diri nakita nga fertile pa ang Russian.
Imbes nga mangin responsable ang clinic sa kapalpakan sang operasyon, gintawag pa sini nga “medical miracle” ang natabo sa lalaki kag ginlaygayan nga dapat magpasalamat ini sa baby bangud blessing ini.
