Patay ang isa ka 17-anyos nga estudyante matapos nga ginbuno sang wala nakilala nga suspek sa guwa sang ila balay sa CarmenVille Subdivision, Brgy. 4, Hinigaran, las-9:50 sang gab-i, Agosto 18, 2024.
Ang biktima isa ka Grade 12 student sang Hinigaran National High School. Suno kay Police Lt. Voltaire Sy, Deputy Chief of Police sang Hinigaran Municipal Police Station, yara sa guwa sang ila balay ang biktima sang ini ang ginpalapitan sang suspek kag ginbuno. Nakasulod pa ini sa ila banyo matapos ginbuno kag didto na ini natumba nga duguon. Gindala pa ang biktima sa Hinigaran Medical Clinic apang gindeklarar nga dead on arrival.
Suno kay Sy, ang biktima ang una nga ginpatawag sang eskwelahan bangud may uyat ini nga sex video sang iya mismo mga kilala kag ini ang nagapang-blackmail. Gintuyo man nga i-entrap ang biktima apang wala ini nadakpan.
