Ginakabig na sang National Bureau of Investigation (NBI) Bacolod nga persons of interest sa pagpatay kay Pearl Joy Galve ang iya stepfather nga si Rene John Nacis.
Suno kay NBI Bacolod Executive Officer, William de Arca Jr. may mga testimoniya na sila nga nakuha sa mga tawo nga nakapalibot kay Galve kag mangin sa mga classmates sini.
Magluwas nga person of interest na ang pagkabig sang NBI kay Nacis, ginalantaw nga duha tubtob apat ka suspek ang may kahimuan sa pagpatay kay Galve ilabi pa sa pagdala sang bangkay sini sa sulod sang kampo sang tubo sa Brgy. Cubay, La Carlota City.
Apang aminado si De Arca nga indi pa makapasaka sang kaso batok sa stepfather bangud nga indi pa mabug-at ang ila nakuha nga mga testimoniya. Ginapasalig naman ni De Arca nga kon maguwa si Nacis ila pamatian ang bahin sini kag handa man sila maghatag sang proteksyon diri.
