Narekober ang anum ka mga bangkay sang mga hostages sang Hamas sa “underground tunnel route” sa sulod sa Gaza Strip, suno sa mga militar sang Israel.
Suno sa statement sang Israel Defense Forces (IDF), ang amo nga bangkay ang ginkilala nanday Yagev Buchshtab, Alexander Dancyg, Avraham Munder, Yoram Metzger, Chaim Peri kag British-Israeli Nadav Popplewell.
Ang overnight recovery operation ang ginpangunahan sang IDF kaupod sang security agency nga Shin Bet.
Base sa ginpatigayon nga operasyon, nadiskubrihan sang IDF ang kapin 10 metro nga kadalumon sang tunnel kun sa diin didto narekober ang mga bangkay.
Ang amo nga persona ang na kidnapped sa Kibbutz Nir Oz kag Kibbutz Nirim, kun sa diin ini ang nahamtang malapit sa border sang Israel kag Gaza, sadtong nagluntad ang pagpang-atake sang Hamas sa sur nga bahin sang Israel sadtong Oktubre 7.
