Ginmanduan na ni Mayor Renato Gustilo ang hepe sang kapulisan nga sulbaron ang pagpangawat sa isa ka mall sa ciudad sang San Carlos.
Kadungan sini, magahatag si Mayor Gustilo sang P100,000 sa makatudlo sa mga suspek nga nagsulod sa mall sa Barangay Palampas.
Una na ginpahayag ni Police Lt. Col. Nazer Canja, hepe sang San Carlos Police, nga natukiban sang mga empleyado nga ginsulod ang amo nga mall bangud sa ila nadangtan nga buka nga crystal wall sang isa ka botika kag mga nagakinay-ag nga mga kagamitan sang mall kalakip na ang isa ka jewelry shop kag pila kaha sang cashier.
Apat ka mga suspek ang ginalantaw nga nagsulod sa mall bangud sa mga personal nga kagamitan nga narekober sa tunnel nga gin-agyan sang mga ini.
