Napadayon ang imbestigasyon sang Women and Childers Protection Desk (WCPD) kag Department of Social Services Department (DSSD) angut sa pagbilin sang 22-anyos nga iloy sang lapsag sa Hacienda Guanzon, Brgy. Mansilingan ciudad sang Bacolod, gab-i sang Agosto 21, 2024.
Posible namapasakaan sang kaso ang 22-anyos nga iloy nga nagbilin sang iya lapsag nga lalaki.
Sa interview sang DYHB kay Police Station 7 Commander Greeky Cayao, ginpahayag sini nga base sa ila pagpangusisa, natukiban nga August 20 sang ginbun-ag sang iloy ang bata sa isa ka private clinic.
Dugang pa sini nga nahadlok ang iloy sang lapsag sa iya sini nga ginikanan bangud wala ang mga ini nakahibalo nga nagbusong siya kag basi akigan ini.
Una na nga na-report nga ang lapsag ang nakaputos sa lampin kag nakita sang tatlo ka mga kabataan nga nagapangkuha sang damang sadto nga mga tinion. Ginkumpirma man mismo sang 22-anyos nga amay sang bata nga iya ini anak. Natalana naman nga ipaidalom sa counselling ang ginikanan sang lapsag kasunod sang insidente.
