Ginaproseso na sang Negros Electric and Power Corporation (NEPC) ang pagbakal sang bag-o nga mobile substation kasunod sang pagkaguba sang substation sa Alijis Feeder 3 nga gintunaan sang lapnagon nga brownout Mierkoles sang gab-i sa diin pila ka mga lugar sa karon ang wala pa sang kuryente.
Ini ang ginpahayag ni Negros Power Chief Operations Officer, Engr. Bailey May Del Castillo sa press conference kagab-i samtang nagapadayon ang pagtinguha sang ila mga personnel nga mabalik ang kuryente sa mga apektado pa nga lugar.
Sa karon ang pag-deploy sang mobile substation ang isa main options sang NEPC agod mabalik na ang kuryente sa mga apektado pa nga lugar. Ginahikot naman karon sang NEPC sa More Power nga mag-deploy sang mas madamo nga mobile substations sa Negros Occidental.
Gina-divert naman karon sang NEPC ang connection gikan sa Alijis Feeder 3 padulong sa Murcia Feeder nga amo man ang pinaka-apektado sang outage. Ang pagkaguba sang 13-anyos 30/37 MegaVolt Ampheres (MVA) sang Alijis Substation diri sa Bacolod ang gintun-an sang lapnagon nga brownout nga nag-apekto sa halos 60,000 ka mga households.
