Gintarget sang Israeli military ang Hezbollah, Lebanon sa pagpang-atake gamit ang warplanes matapos nga sila ang naka-detect sang fire missiles kag rockets sa pungsod. Suno sa spokesperson sang Israel Defense Forces (IDF) nga si Daniel Hagari, ang amo nga tikang ang isa ka makabig nga self-defense. Gin-abisuhan sang Israel ang mga Lebanese nva sibilyan nga maghalin na sa Hezbollah ilabi na sa Iran-backed Shia Muslim group kun sa diin sila ang naga-operate. Gin-ako sang Hezbollah nga sila ang naglunsar sang large-scale drone attack sa Israel, balos sang tinalikdan nga bulan nga pagpatay sang senior military commander sang grupo. Nabatian ang huni sang sirena nga nagapatimaan nga may pasulod nga rocket sa Norte nga bahin sang Israel. Wala pa sang report nga may napilasan sa amo nga insidente. Nagpatigayon man sang emergency meeting si Israeli Prime Minister Benjamin Netanyahu sa iya mga security cabinet bangod sa nagluntad nga insidente.
