Isa lng ka simple nga butang kun sayuron, apang makatuga man sang isa ka dako nga epekto sa operasyon sang isa ka airline kag abala sa publiko. Daw ano bala ka gamhanan sang isa ka gunting para mahalitan sini ang flight sang ginatos ka mga tawo? Malapit sa 40 ka mga flights ang gincancel kag 201 ka iban pa nga flights ang na- delay sa isa ka Japanese airport matapos nga nga gin-report missing ang isa ka gunting sa isa ka tindahan nahamtang malapit sa boarding gates. Bangud sa ini nga report, gilayon nga gin-suspender ang Security checks sa New Chitose Airport domestic terminal sa Hokkaido, Japan sa sulod sang kapin duha ka oras. Ini ang nagtuga man sang pagka-stranded sang linibo ka nga pasahero. Bangud sa kakugmat nga gindul-ong sang isa lang ka gunting, gintinguhaan sang otoridad nga pangitaon ini kag sang ulihi, natukiban nga yara lang gali ini sa sulod sang tindahan kag na-misplace lang. Madamo sang mga pasahero ang nagpangutos apang may yara man sang naghanga bangud sang pag-responde sang airport sa insidente.
