Daw halos sa adlaw-adlaw naton nga pang gawi, kinahanglan ta gid sang lighter. Sa pagluto, sa pagsindi kandila ukon sa pagpanigarilyo para naman sa iban.
Kun wala sang lighter, siyempre to the rescue man ang posporo.
Apang ano bala ka importante ang isa ka lighter sa iban nga tawo para gastuhan ini sang minilyon ka pesos?
May yara sang ginakabig nga pinakamahal nga lighter sa kalibutan nga ang presyo yara sa $500,000 ukon P28 million.
Ma afford mo pa bala nga dulaon kun ang imo lighter ang ubra sa 400 grams solid gold kag 152 sapphires nga nagalab-ot sa 41 karats?
Ini nga ginhimo sang French luxury brand S.T. Dupont sa diin ila ini ginatawag nga Louis XIII Fleur de Parme.
Ini ang espesyal nga gin-ubra para sa isa ka Hong Kong billionaire nga si Steven Hung. Ang businessman nga may passion para sa French history.
