Nagapasalamat si Punong Barangay Deogracias Dela Vega nga nabalik na ang kuryente sa 43 ka mga purok nga nadulaan sang kuryente sa sulod sang apat ka adlaw sang naguba ang Alijis substation.
Suno kay PB Dela Vega, may yara sang 48 ka purok ka Brgy. Alijis kag 43 diri ang nadulaan sang kuryente halin Agosto 23. Dugang pa sang punong barangay, halos indi ini makatulog sang pinanawag sang mga residente nga wala sang kuryente kag tubig sa nasambit nga inadlaw gani nagapasalamat ini sa Negros Power nga nabalik na ang suplay kahapon matapos nga natakod na ang 10 MVA mobile substation sa Brgy. Alijis. (INSERT VC PB DEOGRACIAS DELA VEGA)
Sa pihak nga bahin, nagpangayo sang pasaylo si Roel Castro, presidente kag Chief Executive Officer sang Negros Electric and Power Corporation sa natabo nga power outage. Nagapangayo man ini sang tiempo agod pamatud-an ang ila kaugalingon bangud nga committed sila nga paayuhon ang serbisyo para sa mga kunsumidor.
